بقلم: إيهاب نجاح جنديه
الناس خلاص بقت مش مصدقة نفسها، الأنبوبة اللي كانت زمان تقعد الشهر والتاني، النهارده بالكاد بتكمل أسبوع!
يعني مش بس السعر اللي ولع، كمان الكمية بقت نصها!
الغلاء بقى فاحش، والأنبوبة النهارده سعرها يوجع القلب والعقل.
المواطن المصري النهارده بقى محتاج من 2 لـ 3 أنابيب في الشهر، يعني بيتكلم في مقربة ألف جنيه زيادة على بيته بس في الغاز!
والمصيبة إن الأنبوبة اللي بتيجي دلوقتي بتيجي ربعها غاز وربعها مياه ،ومش بتكفي، يعني لا المواطن قادر يستغنى، ولا جيبه مستحمل.
الناس بتسأل:
هي فين الرقابه هنتحمل غلاء الأنبوبة؟
ولا هنستحمل نص الأنبوبة؟
ولا الاتنين مع بعض؟!
وبصراحة يا جماعة، إحنا مش بنقول لأ على السعر،
إحنا موافقين على سعرها. تمام زي الفل .. بس تيجي كاملة، مش ربعها!
ما هو مش معقول ندفع حق أنبوبة كاملة وتوصلنا ناقصة! علشان ف الشهر الواحد البيت يستهلك 3 انابيب
في زمن الغلا ده، لازم حد يسمع صوت الناس اللي بقت مش لاقية المراقبه ع الاسواء الا من رحم، ربي، في الأسعار، ولا شايفة رقابة حقيقية على اللي بيبيع ولا اللي بيوزع.
يا جماعة، دي أبسط حاجة في بيوت الناس، نار البيت اللي بتطبخ وتدفي، مش المفروض تكون عبء ولا كابوس آخر الشهر.
المواطن مش طالب رفاهية، ده طالب أنبوبة كاملة وسعر معقول، يعيش بيه من غير ما يتحرق هو كمان!
جميع الآراء الواردة في هذا المقال تعبّر عن وجهة نظر الكاتب فقط، ولا تعبّر بالضرورة عن موقف أو توجه المنصة 360.
