بقلم: المهندس إبراهيم جندية
كمية شحن غير طبيعية وتجاوزات غير مسبوقة علي السوشيال ميديا متعلقة بإنتخابات مجلس النواب التي انطلقت مرحلتها الأولى وننتظر النتائج.
لكن المؤكد وما رأيناه من تطاول وسب وقذف أحب أقولكم بالمصري الفصيح “هتستفادوا ايه لما يحصل لا قدر الله مكروه أو حاجة تكون نتائجها عكسية ووخيمة “
وهكمل بالمصري : ياريت العقلاء في كل قرية يكون ليهم دور في التهدئة وعدم ترك الأمور كما يرغب مثيرى ومروجي الفتن والإشاعات لأن القصة مش مستاهلة حد يخسر التاني.
اي مدينه أو قرية أو عزبة أو كفر من بلاد جمهورية مصر العربية داخل اكتر من مرشح من ابنائها خلي بالك علشان دة من دمك في نسب في اي صله قرابه بلاش نخسر بعض يا جماعة دة موسم هيعدي هيعدي و احنا في وش بعض بلاش علشان فعلاً دمائنا واحدة و الوطن واحد حافظوا علي مصر لأن مصر تستاهل أن نحافظ عليها.
و من حق أي انسان دعم مرشحه شريطة عدم تشويه الاخرين او التطاول لان علاقة الاحترام والود بين الناس من ستظل وتبقى.
في النهاية الانتخابات هتخلص وهتنتهي ونبارك لمن سيختاره الصندوق الانتخابي والإرادة الشعبية للناس.
