من عرب شركس إلى القليوبية.. رسالة انتماء صادقة من شريف الخولي لأبناء المحافظة
وجه الدكتور شريف الخولي رئيس مجلس إدارة مؤسسة دلتا التعليمية وأمين التنظيم بحزب الجبهة الوطنية في مركز ومدينة القناطر الخيرية، رسائل قوية في الانتماء.
وقال الخولي في منشور على صفحته الشخصية على موقع التواصل الاجتماعي فيسبوك: “الانتماء الحقيقي مش بطاقة مكتوب فيها اتولدت فين الانتماء الحقيقي هو أنت اتربّيت فين، وعلى إيد مين، ومع مين كبرت”.
الجبهة الوطنية في القناطر الخيرية تهنئ مصطفى مجاهد لفوزه بانتخابات النواب 2025
السباق الانتخابي يشتعل في دائرة قليوب والقناطر الخيرية
وتنشر المنصة 360 رسالة الدكتور شريف الخولي رئيس مجلس إدارة مؤسسة دلتا التعليمية وأمين التنظيم بحزب الجبهة الوطنية في مركز ومدينة القناطر الخيرية والتي جاءت كالتالي:
“إحنا عمرنا ما زايدنا على بلدنا ولا على منطقتنا، ولا على أهلنا في القليوبية والقناطر الخيرية.
لأن الانتماء الحقيقي مش بطاقة مكتوب فيها اتولدت فين الانتماء الحقيقي هو أنت اتربّيت فين، وعلى إيد مين، ومع مين كبرت.
وأنا اتربّيت وسط أهلي وناسي في عرب شركس أكتر من 35 سنة، وأنا واحد من أهل المكان ده، جزء منهم وهُم جزء مني.
كبرت معاهم واتعلمت معنى الجدعنة والستر وتعلمت إن الأصل مش مكان، الأصل ناس.
وأكتر حاجة علمتني يعني إيه انتماء إن أهل القليوبية من العائلات المحترمة ولاد الأصول، عندهم قاعدة ثابتة:
اللي يدخل وسطهم ويأكل معاهم عيش وملح، مرة واحدة بس يبقى واحد منهم، من أهلهم وناسهم.
وده اللي شُفته واتربّيت عليه وسطهم.
ومن نفس النقطة دي، ومن نفس العلاقة دي
أكبر شرف ليا إنّي أكون واحد من أبناء القليوبية، ومن أبناء عرب شركس، ومن أبناء القناطر الخيرية.
ولو ده شرف لناسي وعائلات القليوبية المحترمين فده نعمة كبيرة عندي.
ومن كتر محبتي ليهم ومن كتر وقفتهم معايا، بقى وجودهم جوّه قلبي كبير قبل ما يكون مجرد كلام.
واللي ما يعتبرنيش من أهل القليوبية فله كل الشكر والتقدير، وكفاية إنه يكون صديق قريب أو محب، وده مقام كبير في قلبي برده.
ومهما كان موقفي أو مكاني لو أقدر أعمل خير أو أساعد في حاجة، بعملها من قلبي ومن غير ما أستنى مقابل.
لأن الخدمة مش منصب ولا سبيل لمكان الخدمة محبة ونية ورسالة.
ولو ربنا سخرني إني أمدّ إيدي لحد محتاج فده فضل منه قبل ما يكون مجهود مني.
وكل خطوة في طريقي هي رسالة من ربنا بتقولي: كمّل وخليك سند لناسِك.
إحنا كلنا بنغلط مفيش حد كامل.
ومفيش مشكلة نسمع بعض ونصلّح لبعض.
إنما اللي يكسر أي مكان إن كل واحد يستنى غلطة التاني بدل ما يسند أخوه.
نفسي أشوف القليوبية والقناطر ومصر كلها
في أحسن صورة أجمل شكل وأقوى مكان
وإن شاء الله الخير جاي وربنا يكتب لبلدنا وأهلنا كل التوفيق والبركة”
#دكتور_شريف_الخولي
#حزب_الجبهة_الوطنية
#مجلس_إدارة_مؤسسة_دلتا_التعليمية
